தவளக்குப்பம் அடுத்த சிங்கிரிகுடி லட்சுமி நரசிம்மர் கோவிலில் பிரம்மோற்சவ விழா கடந்த 21ம் தேதி துவங்கியது. அதனை தொடர்ந்து, சுவாமி சிம்ம வாகனம் உள்ளிட்ட பல்வேறு வாகனங்களில் வீதியுலா நடந்தது.

முக்கிய நிகழ்வாக நாளை (30ம் தேதி) காலை 6:00 மணிக்கு தேரோட்டம் நடக்கிறது. தொடர்ந்து 1ம் தேதி மட்டையடி உற்சவம், காலை 10:00 மணிக்கு நாச்சியார் சம்வாதம், துவாதச ஆராதன திருமஞ்சனம் நடக்கிறது. இரவு 8:30 மணிக்கு இந்திர விமானத்தில் சுவாமி வீதியுலா மற்றும் புராணம் வாசித்தல் நடக்கிறது.

2ம் தேதி மாலை 6:00 மணிக்கு புஷ்ப யாகமும், 3ம் தேதி இரவு 8:00 மணிக்கு ஊஞ்சல் உற்சவம் உள்புறப்பாடு நிகழ்ச்சி நடக்கிறது. விழா ஏற்பாடுகளை கோவில் நிர்வாகத்தினர் செய்து வருகின்றனர்.