திருக்கனுார் அடுத்த வம்புப்பட்டு கிராமத்தில் முத்து மாரியம்மன் கோவில் அமைந்துள்ளது.

இக்கோவில் செடல் உற்சவம் நேற்று ஐயப்பனாரப்பன் கோவிலில் ஊரணி பொங்கலுடன் துவங்கியது.

இதையொட்டி, இன்று (21ம் தேதி) காலை 7:00 மணிக்கு முத்து மாரியம்மன் கரகம் வீதியுலா, மதியம் 1:00 மணிக்கு சாகை வார்த்தல் நடக்கிறது. இரவு 8:00 மணிக்கு கோவில் வளாகத்தில் சிவன்-பார்வதி சுவாமிக்கு திருக்கல்யாண உற்சவம் நடக்கிறது.

தொடர்ந்து, வரும் 22ம் தேதி மாலை 4:00 மணிக்கு ஊரணி பொங்கல் நிகழ்ச்சியும், இரவு 7:00 மணிக்கு அம்மன் சிறப்பு அலங்காரத்தில் ஊஞ்சல் உற்சவம் நடக்கிறது.

முக்கிய நிகழ்வாக, 23ம் தேதி காலை 8:00 மணிக்கு பால் குடம் ஊர்வலம் மற்றும் அபிஷேகமும், 24ம் தேதி செடல் உற்சவமும் நடக்கிறது. ஏற்பாடுகளை கிராம பொதுமக்கள் செய்து வருகின்றனர்.