புதுச்சேரி மதகடிப்பட்டு அடுத்த கலிதீர்த்தாள்குப்பம் திருக்கானுார் சாலையை சேர்ந்தவர் வெற்றிவேல் மனைவி கம்சலா. கணவரை இழந்த இவர், கூலி வேலை செய்து வருகிறார்.

கடந்த 1ம் தேதி காலை, வேலைக்கு சென்ற நிலையில், இவரது கூரை வீடு தீப்பற்றி எரிந்தது. இதில் 2 லட்சம் ரூபாய் மதிப்பிலான பொருட்கள் எரிந்து சேதமடைந்தன.

தகவல் அறிந்த அங்காளன் எம்.எல்.ஏ., தீ விபத்தில் பாதிக்கப்பட்ட குடும்பத்திற்கு நிவாரணம் வழங்கி, ஆறுதல் கூறினார்.