வில்லியனுார் அடுத்த உத்திரவாகினிபேட் மேட்டுத் தெருவை சேர்ந்தவர் முகிலன். தனியார் வங்கி கலெக் ஷன் ஏஜன்ட். இவரது மனைவி சுபாஷினி, 28. இவர் கடந்த 2ம் தேதி இரவு 10:30 மணியளவில் வீட்டின் அருகே நடந்து சென்றார். இருட்டில் சாலையோரம் நின்றிருந்த இருவர் சுபாஷினி தாலி செயினை பறித்துக்கொண்டு தப்பிச்சென்றனர். அதில், ரூ. 50 ஆயிரம் மதிப்பிலான 4 கிராம் தங்க காசு மற்றும் நாணல் இருந்தது.

இது குறித்து சுபாாஷினி நேற்று முன்தினம் அளித்த புகாரின் பேரில், வில்லியனுார் போலீசார் வழக்குப் பதிந்து, அப்பகுதியில் உள்ள சி.சி.டி.வி., கேமராக்களில் பதிவான காட்சிகளை ஆய்வு செய்து, விசாரித்து வருகின்றனர்.