பாகூர் அடுத்த சேலியமேடு டி.என்.பாளையம் வீதியை சேர்ந்தவர் தனஞ்செழியன், 27. இவரது மனைவி புவனேஷ்வரி 25; வில்லியனுாரில் உள்ள தனியார் பள்ளி உடல் கல்வி ஆசிரியர். இவர் நேற்று முன்தினம் மதியம் பள்ளியில் இருந்து புறப்பட்டு தனது ஸ்கூட்டரில், விழுப்புரம் - நாகப்பட்டினம் புறவழிச்சாலை வழியாக வீட்டிற்கு சென்று கொண்டிருந்தார்.

ஆதிங்கப்பட்டு சந்திப்பில் வலது பக்கமாக திரும்பிபோது, கடலுாரில் இருந்து விழுப்புரம் நோக்கி சென்ற யமாகா எம்.டி 15. பைக், ஸ்கூட்டர் மீது மோதியது.

இதில், படுகாயமடைந்த புவனேஷ்வரி ஜிப்மரில் அனுமதிக்கப்பட்டார். அதேபோல், விபத்து ஏற்படுத்திய பைக்கை ஓட்டி வந்த நல்லாத்துார் பகுதியை சேர்ந்த ராம்குமாரும், அவருடன் வந்த நண்பர் தீபக், 18, ஆகியோரும் காயமடைந்தனர். விபத்து குறித்து கிருமாம்பாக்கம் போக்குவரத்து போலீசார் வழக்கு பதிந்து விசாரித்து வருகின்றனர்.