பிரதமர் நரேந்திர மோடியின், 25 ஆண்டு கால தொடர் சேவையை போற்றும் வகையில், நாடு முழுவதும் பல்வேறு சேவை நிகழ்ச்சிகள் நடைபெற்று வருகிறது. அதன் ஒரு பகுதியாக, புதுச்சேரி ஜிப்மர் மருத்துவமனையில், பா.ஜ., மாநில துணை தலைவர், முன்னாள் எம்.எல்.ஏ., பாஸ்கர் தலைமையில் ரத்ததான முகாம் நடந்தது.  முகாமினை, மாநிலத் தலைவர் ராமலிங்கம் துவக்கி வைத்தார். இதில், பிரதமர் மோடியின், 76ம் ஆண்டு பிறந்த நாளை குறிக்கும் வகையில், 76 தன்னார்வலர்கள் ரத்த தானம் வழங்கினர். 

இந்நிகழ்ச்சியில், தேசிய அமைப்பு பொதுச் செயலாளர் சந்தோஷ், தெலுங்கானா துணை அமைப்பு பொதுச் செயலாளர் தஷ்ரத், முன்னாள் சபாநாயகர் செல்வம், மீனாட்சி சுந்தரம் எம்.எல்.ஏ.,  முன்னாள் எம்.எல்.ஏ., கல்யாணசுந்தரம், மாநிலத் துணைத் தலைவர் ஜெயக்குமார், மாநில பொதுச் செயலாளர் லட்சுமி நாராயணன், தொடர்பாளர் அருள்முருகன், மாவட்ட தலைவர்  உலகநாதன், மாவட்ட பொதுச்செயலாளர் ரமணா சங்கர், இந்திரா நகர் தொகுதி தலைவர் அருள் வேந்தன், பட்டியல் அணி மாநிலத் தலைவர் காத்தவராயன் மற்றும் நிர்வாகிகள் கலந்து கொண்டனர். ஏற்பாடுகளை, மாநில ஓ.பி.சி., அணி தலைவர்  கோவேந்தன் கோபதி, இளைஞர் அணி மாநில பொதுச் செயலாளர் அமல்ராஜ் ஆகியோர் செய்திருந்தனர்.