புதுச்சேரி, சங்கமித்ரா கன்வென்ஷன் சென்டரில் நடந்த ஆண்டு விழாவில், உச்சநீதிமன்ற வழக்கறிஞர் டாக்டர் சத்யா குமார் சிறப்பு விருந்தினராகக் கலந்து கொண்டார். 1994-ம் ஆண்டு செப்டம்பர் 15-ம் தேதி ஒரு சிறிய நிறுவனமாகத் துவங்கப்பட்ட இன்டெக்ரா, இன்று மிகப்பெரிய நிறுவனமாக வளர்ந்துள்ளது. நிறுவனத்தின் வளர்ச்சிப் பயணத்தில் ஒரு முக்கிய மைல்கல்லாக, 2006-ம் ஆண்டு ஜனவரி 20-ம் தேதி, இ.சி.ஆர்., 100 அடி சாலையில் சொந்த அலுவலக வளாகம் திறக்கப்பட்டது.

இன்டெக்ராவின் குறிப்பிடத்தக்க வளர்ச்சியைப் பாராட்டிய சிறப்பு விருந்தினர், சமூகத்தில் நிறுவனம் ஏற்படுத்தி வரும் தாக்கம், இளம் பட்டதாரிகளுக்கு வழங்கி வரும் வேலைவாய்ப்புகள் மற்றும் பணியிடத்தில் பன்முகத்தன்மையை ஊக்குவித்து வருவது ஆகியவற்றைச் சுட்டிக்காட்டினார். 54 சதவீதத்துக்கும் அதிகமான பெண்கள் பணியாற்றும் நிறுவனமாகவும், அனைவரையும் உள்ளடக்கிய பணிச்சூழலை உருவாக்குவதில் இன்டெக்ரா தொடர்ந்து முன்னிலை வகித்து வருகிறது.

தற்போது இன்டெக்ரா, புதுச்சேரி தலைமையகம், ரெட்டியார்பாளையம் கிளை அலுவலகம், சென்னை, திருச்சி மற்றும் நொய்டா ஆகிய இடங்களில் 3,300-க்கும் மேற்பட்ட ஊழியர்களுடன் வலுவான உலகளாவிய நிறுவனமாக வளர்ந்துள்ளது.

விழாவில் இன்டெக்ரா நிர்வாக இயக்குநர் ஸ்ரீராம் சுப்ரமண்யா மற்றும் இணை நிர்வாக இயக்குநர் அனு ஸ்ரீராம், நிறுவனத்தின் வளர்ச்சிப் பயணத்தை நினைவுகூர்ந்ததுடன், புதுமை, அனைவரையும் உள்ளடக்கிய வளர்ச்சி மற்றும் சமூகப் பொறுப்பு ஆகியவற்றில் நிறுவனத்தின் தொடர்ச்சியான உறுதிப்பாட்டை வலியுறுத்தினர்.

ஸ்ரீராம் அறக்கட்டளை மூலம் கல்வி, சுகாதாரம், சுற்றுச்சூழல் பாதுகாப்பு மற்றும் கிராமப்புற மேம்பாடு உள்ளிட்ட பல்வேறு துறைகளில் குறிப்பிடத்தக்க சமூகப் பணிகள் மேற்கொள்ளப்பட்டு வருகின்றன. நிலைத்தன்மை மற்றும் சமூக மேம்பாட்டை அடிப்படையாகக் கொண்ட நிறுவனத் தலைமையின் தொலைநோக்குப் பார்வை, பொறுப்புணர்வுடன் கூடிய வளர்ச்சிக்கான இன்டெக்ராவின் பண்பாட்டை தொடர்ந்து வடிவமைத்து வருகிறது.

ஆண்டு விழாவில், இன்டெக்ரா ஊழியர் குழுக்களின் உற்சாகமான கலை நிகழ்ச்சிகள், அதிர்ஷ்டக் குலுக்கல் போட்டிகள் மற்றும் பெரிதும் எதிர்பார்க்கப்பட்ட விருது வழங்கும் விழா ஆகியவை நடந்தன. சிறப்பாகப் பணியாற்றிய ஊழியர்களுக்கும், நீண்டகாலமாக நிறுவனத்தில் பணியாற்றி வரும் ஊழியர்களுக்கும் விருதுகள் வழங்கி கவுரவிக்கப்பட்டனர். ஊழியர்களிடையே ஒற்றுமை, மகிழ்ச்சி மற்றும் குழு உணர்வை மேலும் வலுப்படுத்தும் வகையில் விழா நிறைவடைந்தது.

32 ஆண்டுகால இந்த முக்கிய மைல்கல்லை எட்டியுள்ள இன்டெக்ரா, தனது ஊழியர்களைக் கொண்டாடி, நிறுவனத்தின் மதிப்புகளுக்கு மரியாதை செலுத்தி, சமூகங்களை மேம்படுத்தும் தனது பணியை மேலும் வலுப்படுத்தி வருகிறது. அதேவேளையில், செயற்கை நுண்ணறிவு (AI) சார்ந்த எதிர்காலத்தை நோக்கி பயணித்து, தகவல் தொழில்நுட்பம் மற்றும் கன்டென்ட் மேனேஜ்மென்ட் துறைகளில் சிறந்த பங்களிப்பை முன்னெடுப்பதிலும் இன்டெக்ரா உறுதியாக உள்ளது.