புதுச்சேரி, குயவர்பாளையத்தில் முத்து விநாயகர், வள்ளி தேவசேனா சமேத செல்வமுத்துகுமார சுவாமி கோவிலில் 5ம் ஆண்டு கந்தசஷ்டி சூரசம்ஹார விழா, திருக்கல்யாண உற்சவம் நேற்று துவங்கியது.

இன்று (22ம் தேதி) முதல் தினமும் காலை 7:00 மணிக்கு சுவாமிக்கு காலை சிறப்பு அபிஷேகம், ஹோம பூஜைகள், இரவு 7:00 மணிக்கு சிறப்பு அலங்காரத்தில் உள் புறப்பாடு நடக்கிறது.

முக்கிய நிகழ்வாக, வரும் 26ம் தேதி இரவு 7:00 மணிக்கு பராசக்தியிடம் இருந்து வேல் வாங்குதல், சிங்கமுகன் சூரசம்ஹாரம், 108 கனிகளால் லலிதா சகஸ்ர நாம பூஜை நடக்கிறது. வரும் 27ம் தேதி காலை 7:00 மணிக்கு ஹோம பூஜைகள் 36 முறை கந்தசஷ்டி பாராயணம், இரவு 7:00 மணிக்கு சூரபத்மா சூரசம்ஹாரம், திருத்தேர் புறப்பாடு, 28ம் தேதி காலை 10:30 மணிக்கு திருக்கல்யாண உற்சவம் நடக்கிறது.