நெட்டப்பாக்கம் அடுத்த வடுகுப்பம் கிராமத்தில் உள்ள பத்மாவதி தாயார் பிரசன்ன வெங்கடேச பெருமாள் கோவிலில், மார்கழி மாத வைகுண்ட ஏகாதசியை முன்னிட்டு சொர்க்கவாசல் திறப்பு வரும் 30ம் தேதி நடக்கிறது. இதையொட்டி, வரும் 29ம் தேதி இரவு 7:00 மணிக்கு சிறப்பு திருமஞ்சனம், மகா அபிஷேகம் நடக்கிறது. இரவு 9:00 மணிக்கு சுவாமிக்கு வைகுந்த வாச அலங்காரம் செய்யப்பட்டு, திரை மூடப்படுகிறது. தொடர்ந்து, மறுநாள் 30ம் தேதி வைகுண்ட ஏகாதசியை முன்னிட்டு, அதிகாலை 5:00 மணிக்கு மேல் சொர்க்க வாசல் (பரமபத வாசல்) திறப்பு விழா நடக்கிறது.