மாணவ, மாணவியரின் வாசிப்பு திறனை மேம்படுத்தவும், பொது அறிவு செய்திகள், நாட்டு நடப்புகள், அறிவியல் கண்டுபிடிப்புகள், விஞ்ஞான வளர்ச்சி, தற்போதைய தொழில்நுட்ப அபிவிருத்திகள் உள்ளிட்ட அறிவியல்தகவல்களை மாணவர்களுக்கு எளிதில், புரியும் வகையில், தினமலர் மாணவர் பதிப்பு பட்டம், இதழ், திங்கள் முதல் வெள்ளி வரை வெளியிடப்பட்டு வருகிறது.

அரியாங்குப்பம், தியாகி வீ.துளசிங்கம் அரசு உயர்நிலைப் பள்ளியில், தினமலர் மாணவர் பதிப்பு பட்டம் இதழ் வழங்கும் விழா நடந்தது. நிகழ்ச்சியில், சிறப்பு விருந்தினராக பங்கேற்ற, லயன்ஸ் கிளப் ஆப் பாண்டிச்சேரி சென்ட்ரல் தலைவர் பாஸ்கரன், இந்த கல்வியாண்டு முழுவதும் மாணவர்களுக்கு பட்டம் இதழை வழங்கினார்.

பள்ளி தலைமை ஆசிரியர் சத்தியவாணி முன்னிலை வகித்தார். நிகழ்ச்சியில், சென்ட்ரல் அரிமா சங்க பொருளாளர் குப்தா, முன்னாள் தலைவர்கள் ரெமி ஜெரால்டு, கார்த்திகேயன், செபஸ்டீன் மார்டியல், மற்றும் பார்த்திபன், குருமூர்த்தி, வெங்கடபதி உட்பட பள்ளி ஆசிரியர்கள் கலந்து கொண்டனர்.

முன்னதாக, பள்ளியில், பட்டம் நிகழ்ச்சியில், வெற்றிபெறும் முதல் மாணவருக்கும், ஊக்குவித்த ஆசிரியருக்கு தலா 10 ஆயிரம் ரூபாய் வழங்குவதாக, லயன்ஸ் கிளப் ஆப் பாண்டிச்சேரி சென்ட்ரல் முன்னாள் செயலாளர் விவேகானந்தன், கல்பனா, ஆகியோர் தெரிவித்தனர்.