புதுச்சேரி, உப்பளம் ராஜிவ்காந்தி உள்விளையாட்டு அரங்கில் நடந்த மாநில அளவிலான கைப்பந்து போட்டியில், வம்புப்பட்டு அப்துல்கலாம் கைப்பந்து அணி முதலிடம் பிடித்தது.

இதையடுத்து, மாநில அளவிலான கைப்பந்து போட்டியில் வெற்றி பெற்ற வம்புப்பட்டு அணி வீரர்களை ஊக்குவிக்கும் வகையில், திருபுவனை தொகுதி வட்டார காங்., சார்பில் விளையாட்டு உபகரணங்கள் வழங்கப்பட்டது.

மாநில பொதுச் செயலாளர் தனுசு, வட்டார பொதுச் செயலாளர் வேலு ஆகியோர், அணி வீரர்களுக்கு பரிசுகள், விளையாட்டு உபகரணங்களை வழங்கினர். நிகழ்ச்சியில், தொகுதி காங்., நிர்வாகி லோகநாதன், அப்துல்கலாம் கைப்பந்து அணி வீரர்கள் உட்பட பலர் கலந்து கொண்டனர்.