புதுச்சேரி - கடலுார் சாலை வழியாக சென்னை மார்க்கத்திலும், கடலுார் மார்க்கத்தில், சிதம்பரம், மயிலாடுதுறை, வேளாங்கண்ணி ஆகிய முக்கிய ஊர்களுக்கு புதுச்சேரியை கடந்து, தினந்தோறும் ஆயிரத்திற்கு மேற்பட்ட வாகனங்கள் செல்கின்றன.

அரியாங்குப்பத்தில் இருந்து முள்ளோடை வரை சாலை குண்டும், குழியுமாக உள்ளது. நோணாங்குப்பம், தவளக்குப்பம் ஆகிய இடங்களில் மெகா பள்ளங்கள் உள்ளதால், மழை பெய்யும் போது, மழைநீர் பள்ளத்தில் நிற்பது தெரியாமல் இரு சக்கர வாகன ஓட்டிகள் பள்ளத்தில் விழுந்து காயமடைந்து வருகின்றனர்.கடலுார் பகுதியில் இருந்து புதுச்சேரி மற்றும் சென்னை பகுதி மருத்துவமனைக்கு ஆம்புலன்சில் வரும் நோயாளிகள் கடுமையாக அவதியடைந்து வருகின்றனர். முக்கிய சாலையாக இருப்பதால், மழை துவங்குவதற்கு முன்பு பொதுப்பணித்துறையினர் பேட்ச் ஒர்க் செய்ய நடவடிக்கை எடுக்க வேண்டும்.