மதியம் 3:00 மணிக்கு புதுபஸ் ஸ்டாண்டில் ஆர்.எஸ்.எஸ்., தொண்டர்கள் அணிவகுப்பு ஊர்வலத்தை, அமைச்சர் நமச்சிவாயம் துவக்கி வைத்தார்.

நகரின் முக்கிய வீதிகள் வழியாக சென்ற ஊர்வலம், கடற்கரை சாலை, காந்தி சிலை எதிரே உள்ள திடலில் நிறைவடைந்தது.

ஊர்வலத்தில் ஆர்.எஸ்.எஸ்., நிர்வாகிகள் மற்றும் தொண்டர்கள் அணி வகுத்தனர். ஆர்.எஸ்.எஸ்., ஊர்வலத்திற்கு வழிநெடுக்கிலும் பொதுமக்கள் வரவேற்பு அளித்தனர். பாரதமாதா சிலைக்கு மலர்துாவி மரியாதை செலுத்தினர்.

தொடர்ந்து, ஆர்.எஸ்.எஸ்., நுாற்றாண்டு விஜயதசமி விழாப் பொதுக்கூட்டம் நடைபெற்றது. ஆர்.எஸ்.எஸ்., வட தமிழக அறிவுசார் பிரிவு தலைவர் நீலகண்டன், அமைச்சர் நமச்சிவாயம், பா.ஜ., மாநில தலைவர் ராமலிங்கம், செல்வகணபதி எம்.பி., முன்னாள் சபாநாயகர் செல்வம், முன்னாள் எம்.எல்.ஏ.,க்கள் கல்யாணசுந்தரம், பாஸ்கர், தீப்பாஞ்சான், அசோக் பாபு பங்கேற்றனர். 1,500க்கும் மேற்பட்ட போலீசார் பாதுகாப்பு பணியில் ஈடுபட்டனர்.