புதுச்சேரி அரசு சுற்றுலாத்துறை சார்பில், இந்தியா மற்றும் ரஷ்யா நாடுகளுக்கிடையிலான நீண்டநாள் நட்புறவு மற்றும் கலாச்சார பரிமாற்றத்தை வலுப்படுத்தும் வகையில் ரஷ்ய நாட்டு நடன விழா 2026 நேற்று மாலை கடற்கரை சாலை காந்தி திடலில் நடந்தது.

விழாவை சுற்றுலாத்துறை அமைச்சர் லட்சுமிநாராயணன் தலைமை தாங்கி துவக்கி வைத்தார். விழாவில் ரஷ்யா நாட்டின் ரோஸ்டோவ்-ஆன்-டான் நகரத்தைச் சேர்ந்த 17 பேர் கொண்ட ரஷ்ய நடனக் குழு, ரஷ்ய நாட்டின் பாரம்பரிய, மக்கள் மற்றும் நவீன நடனங்களை ஒருங்கிணைத்த சிறப்பான கலை நிகழ்ச்சிகளை நடத்தினர். விழாவினை பொதுமக்கள், சுற்றுலா பயணிகள், கலை மற்றும் கலாச்சார ஆர்வலர்கள் கலந்து கொண்டு பார்த்து ரசித்தனர்.