தலைமை ஆசிரியர் மகேஸ்வரி தலைமை தாங்கி, கண்காட்சியை திறந்து வைத்து மாணவர்களின் படைப்புகளைப் பார்வையிட்டார். மாணவர்களின் சிந்தனைத் திறனையும் படைப்பாற்றலையும் வெளிப்படுத்தும் வகையில் இயற்கை பாதிப்புகள், சுற்றுச்சூழல் பாதுகாப்பு மற்றும் நவீன அறிவியல் கண்டுபிடிப்புகள் உள்ளிட்ட பல்வேறு தலைப்புகளின் கீழ் மொத்தம் 180-க்கும் மேற்பட்ட படைப்புகள் கண்காட்சியில் காட்சிப்படுத்தப்பட்டிருந்தன.

கண்காட்சியைப் பள்ளியின் பிற மாணவர்கள், பெற்றோர்கள் மற்றும் பொதுமக்கள் பார்வையிட்டு, மாணவர்களின் திறமையைப் பாராட்டினர்.

ஏற்பாடுகளை பள்ளி ஆசிரியர்கள் டெனியோ செயின்ட் தாமஸ், விமலா, கீர்த்தி, ஆனந்தன், லோக பிரியா, செல்வி, ஜீன் மர்லின், ஜெய ஷர்மா, மதுமதி, சரஸ்வதி மற்றும் ஊழியர்கள் செய்திருந்தனர்.