திருக்கனுார் அடுத்த செட்டிப்பட்டு கிராமத்தில் வள்ளி தேவசேனா சமேத முருகன் கோவில் அமைந்துள்ளது. இக்கோவிலில், 52ம் ஆண்டு தைப்பூச பால் காவடி விழா வரும் 25ம் தேதி நடக்கிறது.

அன்று காலை 7:00 மணிக்கு சங்கராபரணி ஆற்றங்கரைக்கு சென்று கரகம் ஜோடித்து, சுவாமிக்கு பால்காவடி எடுத்து வந்து பூஜைகள் நடக்கிறது. தொடர்ந்து, மஞ்சள் இடித்தல், மிளகாய் பொடி அபிஷேகம், அக்கினி சட்டி எடுத்தல், ஆகாய மாலை அணிவித்து செடல் உற்சவம் நடக்கிறது. காலை 9:30 மணிக்கு பக்தர்கள் டயர் வண்டி இழுப்பது, வேல் அணிந்து வருவது, தேர் இழுப்பது நடக்கிறது.