காரைக்கால், திருநள்ளாறு சனி பகவான் கோவிலில் சனிப்பெயர்ச்சி விழா கடந்த 6ம் தேதி நடந்தது. அதைதொடர்ந்து தினசரி நாட்டில் பல்வேறு பகுதிகளில் இருந்து வந்து பல்லாயிரக்காணக்கான பக்தர்கள் சனி பகவானை தரிசனம் செய்து வருகின்றனர்.

சனிப்பெயர்ச்சி முடிந்து நேற்று மூன்றாவது சனிக்கிழமை அதிகாலை 4:00 மணிக்கு கோவில் நடை திறக்கப்பட்டது. சனி பகவான் வெள்ளிக்கவசத்துடன் பக்தர்களுக்கு அருள்பலித்தார். முன்னதாக பக்தர்கள் நளன் குளத்தில் நீராடி, கலிதீர்த்த விநாயகரை வணங்கி, தோஷம் போக்க சிதர் தேங்காய் உடைத்து, பின், சனிபகவானை வழிபட்டனர்.

ஆயிரக்கணக்கான பக்தர்கள் நீண்ட வரிசையில் 3 மணி நேரம் வரை காத்திருந்து சனி பகவானை தரிசனம் செய்தனர். எஸ்.பி.,பழனிவேல் தலைமையில் போலீசார் மற்றும் துணை ராணுவப்படையினர் பாதுகாப்பு பணியில் ஈடுப்பட்டிருந்தனர்.