புதுச்சேரி ரயில் நிலையத்தில் இருந்து சின்ன பாபுசமுத்திரம் ரயில் நிலையம் வரையிலான ரயில்பாதையில், பழைய இரும்பு தண்டவாளங்கள் அகற்றப்பட்டு, புதிய தண்டவாளங்கள் பொருத்தும் பணி நடந்து வருகிறது.

இதற்காக, நேற்று முன்தினம் காலை 11:00 மணிக்கு புதுச்சேரி- கடலுார் சாலை, முதலியார்பேட்டை ஏ.எப்.டி., ரயில்வே கேட் முன் அறிவிப்பு இன்றி திடீரென மூடப்பட்டு ரயில் தண்டவாளங்கள் மாற்றும் பணி துவங்கியது.

அதே போல் ரயில்பாதை தண்டவாளம் மாற்றும் பணி காரணமாக இன்று (4ம் தேதி) காலை 11:00 மணி முதல் மாலை 5:30 மணி வரை வாணரப்பேட்டை ரயில்வே கேட் மூடப்படும் என தெரிவிக்கப்பட்டது. அதற்கான முன்னேற்பாடுகளை செய்து கொள்ளும்படி ரயில்வே நிர்வாகம் மாவட்ட நிர்வாகத்திற்கு கடிதம் மூலம் தகவல் தெரிவித்துள்ளது.