திருக்கனுார் அடுத்த செட்டிப்பட்டு கிராமத்தில் ஸ்ரீதேவி பூதேவி சமேத வரதராஜப் பெருமாள் கோவில் அமைந்துள்ளது. இக்கோவிலில், 7ம் ஆண்டு திருக்கல்யாண உற்சவம் வரும் 26ம் தேதி நடக்கிறது.

இதையொட்டி, அன்று காலை 9:00 மணிக்கு கோபூஜை, விஷ்வக்சேன ஆராதனம், புண்யாஹவாஜனம், அக்னி பிரதிஷ்டை, கும்ப ஆவாஹணம் நடக்கிறது. 

காலை 11:00 மணிக்கு பூர்ணாஹூதி, கடம் புறப்பாடு, ஸ்ரீதேவி பூதேவி சமேத வரதராஜப் பெருமாள் மூலவர், உற்சவர் திருமஞ்சன சேவை சாற்றுமுறை நடக்கிறது. 

முக்கிய நிகழ்வாக, இரவு 7:00 மணிக்கு ஸ்ரீதேவி பூதேவி சமேத வரதராஜப் பெருமாள் சர்வபூஷன அலங்காரத்தில் திருக்கல்யாண உற்சவம் நடக்கிறது.