என்.ஆர்.காங்., - பா.ஜ., அரசின் திட்டங்களை கடுமையாக விமர்சித்து புதுச்சேரி தாத்தா கார்ட்டூன் வீடியோக்களை அடுக்கடுக்காக பதிவேற்றம் செய்து வருகின்றனர். ஊழல், நிர்வாக சீர்கேடு, சட்டம் ஒழுங்கு, மின்துறை தனியார்மயம் என ஒவ்வொறு பிரச்னையாக வீடியோக்களை வெளியிட்டு சமூக வலைதளங்களை அதிர வைத்து வருகின்றனர் . இதனை காங்., தொண்டர்கள் சமூகவலைதளங்களில் வைரலாக்கி வருகின்றனர்.

காங்., கட்சியின் புதுச்சேரி தாத்தாவுக்கு போட்டியாக, 'புதுச்சேரியின் தங்க மகளை' இப்போது சமூகவலைதளங்களில் பா.ஜ., களம் இறக்கி விட்டுள்ளது. அதுவும் செயற்கை நுண்ணறிவான ஏ.ஐ., உதவியுடன் தங்க மகளை இறக்கி பா.ஜ.,வினர் பதிலடி கொடுத்து வருகின்றனர்.

'பாட்டி வடை சுட்ட கதையை கேட்டு இருப்போம்... ஆனால், புதுச்சேரியில் தாத்தா வாயல வடை சுட்டுக்கொண்டு இருக்காருங்க... கொஞ்சம் உஷாராகவே இருங்க...' என, புதுவையின் தங்க மகள் பதிலடி கொடுத்து வருகிறார்.

அந்த வீடியோவில், 'ஒரே ஒரு எஸ்.ஐ., படிவம் தருவாங்களாம்... அதை தொலைத்துவிட்டால் வாக்காளர் பட்டியலில் இருந்து துாக்கி வி டுவாங்களாம்...' என புதுச்சேரி தாத்தா சொல்ல, 'இவருக்கு சீட்டு எடுத்து போடுங்க... பொய்யா சொல்லீட்டு வரார்' இந்த டூபாக்கூர் தாத்தா...' என்று பதிலடி தருகிறார் தங்க மகள்.

'கடந்த 2002ம் ஆண்டுல காங்., ஆட்சியில் புதுச்சேரி முழுதும் வாக்காளர் திருத்தப் பணிகள் நடந்தது... அப் போது தாத்தாவுக்கு 55 வயசு இருக்கலாம் இல்லையா... அப்போது உங்க ஓட்டு காணாமல் போய்விட்டதா... ஓட்டுரிமை மறுத்து விட்டாங்களா... ஏன் தாத்தா இப்படி பொய் சொல்லறீங்க...' என தங்க பெண் சுடச்சுட பதிலடி கொடுப்பதோடு வீடியோ முடிகிறது. ப லே... பலே... சரியான போட்டி. டிஜிட்டல் ரிங்க்ல மோதலே வேற லெவல்... புதுச்சேரி அரசியல் சூடு ஏறுது என்று ஆன்லைன் மோதலை நெட்டீசன்கள் ரசித்து, லைக் - ேஷர், கமெண்ட் மழை பொழிந்து வருகின்றனர்.