உ.பி., மாநிலம் லக்னோவில், சையது மோடி இந்தியா 'சூப்பர் 300' சர்வதேச பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு காலிறுதியில் இந்தியாவின் சிந்து, சீனாவின் வாங் டெய் மோதினர். அபாரமாக ஆடிய சிந்து 21-15, 21-17 என்ற நேர் செட் கணக்கில் வெற்றி பெற்று அரையிறுதிக்கு முன்னேறினார்.

மற்றொரு காலிறுதியில் இந்தியாவின் உன்னாதி ஹூடா 21-16, 21-9 என அமெரிக்காவின் இஷிகாவை வீழ்த்தினார். மற்ற காலிறுதியில் இந்தியாவின் தஸ்னிம் மிர், ஸ்ரீயான்ஷி தோல்வியடைந்தனர்.

ஆண்கள் ஒற்றையர் பிரிவு காலிறுதியில் இந்தியாவின் லக்சயா சென், மீராபா லுவாங் மைஸ்னம் மோதினர். இதில் லக்சயா சென் 21-8, 21-19 என்ற நேர் செட் கணக்கில் வெற்றி பெற்று அரையிறுதிக்குள் நுழைந்தார்.

மற்றொரு காலிறுதியில் இந்தியாவின் ஆயுஷ் ஷெட்டி 7-21, 14-21 என ஜப்பானின் ஷோகோ ஒகாவாவிடம் தோல்வியடைந்தார்.

கலப்பு இரட்டையர் காலிறுதியில் இந்தியாவின் துருவ் கபிலா, தனிஷா கிராஸ்டோ ஜோடி வெற்றி பெற்றது. பெண்கள் இரட்டையரில் இந்தியாவின் திரிசா, காயத்ரி கோபிசந்த் ஜோடி வென்றது.