அசாமின் கவுகாத்தியில், 'சூப்பர் 100' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் பெண்கள் ஒற்றையர் பிரிவு 2வது சுற்றில் இந்தியாவின் தான்வி சர்மா, தாய்லாந்தின் பாசா பன்னாசெட் மோதினர். இதில் தான்வி 21-17, 23-21 என்ற நேர் செட் கணக்கில் வெற்றி பெற்று காலிறுதிக்கு முன்னேறினார்.

மற்றொரு போட்டியில் தஸ்னிம் மிர் 9-21, 21-13, 21-13 என அமெரிக்காவின் இஷிகா ஜெய்ஸ்வாலை வீழ்த்தி காலிறுதிக்கு தகுதி பெற்றார். இந்தியாவின் அஷ்மிதா 16-21, 21-17, 21-16 என சகவீராங்கனை அன்மோல் கார்ப்பை தோற்கடித்தார். இந்தியாவின் அனுபமா 21-15, 21-15 என, இந்தோனேஷியாவின் சியரா மார்வெல்லாவை வென்றார். இந்தியாவின் இஷாராணி 21-13, 10-21, 21-12 என சகவீராங்கனை ஷ்ரேயாவை வீழ்த்தினார்.

ஆண்கள் ஒற்றையர் பிரிவு 2வது சுற்றில் இந்தியாவின் மிதுன் மஞ்சுநாத் 16-21, 21-16, 21-19 என, சகவீரர் பிரனாய் ஷெட்டிகரை வென்றார். மற்றொரு போட்டியில் துஷார் சுவீர் 21-17, 18-21, 21-15 என இந்தோனேஷியாவின் பிஸ்மோ ராயாவை வீழ்த்தி காலிறுதிக்குள் நுழைந்தார். இந்தியாவின் தருண் 21-13, 21-16 என, சகவீரர் மெய்ரபா லுவாங் மைஸ்னமை தோற்கடித்தார்.