தென் கொரியாவில், மாஸ்டர்ஸ் 'சூப்பர் 350' பாட்மின்டன் தொடர் நடக்கிறது. ஆண்கள் ஒற்றையர் பிரிவு முதல் சுற்றில் இந்தியாவின் பிரனாய், இந்தோனேஷியாவின் சிகோ அவுரா டிவி வார்டோயோ மோதினர். முதல் செட்டில் 8-16 என பின்தங்கி இருந்த போது, வலது இடுப்பு பகுதியில் ஏற்பட்ட காயத்தால் பிரனாய் பாதியில் விலகினார்.

மற்றொரு போட்டியில் இந்தியாவின் ஆயுஷ் ஷெட்டி 18-21, 18-21 என சீனதைபேயின் சு லி யாங்கிடம் தோல்வியடைந்தார். இந்திய வீரர் கிரண் ஜார்ஜ் 14-21, 22-20 என சிங்கப்பூரின் லோ கீன் யேவிடம் வீழ்ந்தார்.

பெண்கள் ஒற்றையர் பிரிவு முதல் சுற்றில் இந்தியாவின் அனுபமா 16-21, 15-21 என இந்தோனேஷியாவின் புத்ரி வார்டானியிடம் தோல்வியடைந்தார். கலப்பு இரட்டையர் முதல் சுற்றில் இந்தியாவின் மோகித், லக்சிதா ஜோடி 7-21, 14-21 என ஜப்பானின் யுச்சி ஷிமோகாமி, சயாகா ஹோபரா ஜோடியிடம் வீழ்ந்தது.

இத்தொடரில் இந்திய நட்சத்திரங்களின் பங்களிப்பு முடிவுக்கு வந்தது.