அசாமின் கவுகாத்தியில், 'சூப்பர் 100' அந்தஸ்து பெற்ற மாஸ்டர்ஸ் பாட்மின்டன் தொடர் நடக்கிறது. இதன் ஆண்கள் ஒற்றையர் பிரிவு காலிறுதியில் இந்தியாவின் சதிஷ் குமார் கருணாகரன், தாய்லாந்தின் சரண் ஜாம்ஸ்ரீ மோதினர். அபாரமாக ஆடிய சதிஷ் குமார் 21-19, 21-13 என்ற நேர் செட் கணக்கல் வெற்றி பெற்று அரையிறுதிக்கு முன்னேறினார்.

மற்ற காலிறுதியில் இந்தியாவின் தருண், ரவி, ஆயுஷ் ஷெட்டி தோல்வியடைந்தனர்.

பெண்கள் ஒற்றையர் பிரிவு காலிறுதியில் இந்தியாவின் அன்மோல் கார்ப் 21-13, 22-24, 22-20 என தாய்லாந்தின் லாலின்ராத் சைவானை வீழ்த்தினார். மற்றொரு போட்டியில் இந்தியாவின் மான்சி சிங் 22-20, 21-18 என தாய்லாந்தின் கெட்க்லியெங்கை வீழ்த்தினார். இந்தியாவின் தன்வி சர்மா 15-21, 12-21 என சீனாவின் வு லுவோ யுவிடம் தோல்வியடைந்தார்.

கலப்பு இரட்டையர் காலிறுதியில் இந்தியாவின் துருவ் கபிலா, தனிஷா கிராஸ்டோ ஜோடி 21-16, 21-14 என சகநாட்டை சேர்ந்த சாத்விக் ரெட்டி, வைஷ்ணவி ஜோடியை வீழ்த்தியது.