இந்தோனேஷியாவில், ஆசிய ஜூனியர் பாட்மின்டன் சாம்பியன்ஷிப் நடக்கிறது. இதன் பெண்கள் ஒற்றையர் பிரிவு 3வது சுற்றில் இந்தியாவின் தன்வி சர்மா, சீனாவின் ஷி சி சென் மோதினர். தன்வி சர்மா 21-19, 21-14 என்ற நேர் செட் கணக்கில் வெற்றி பெற்று 4வது சுற்றுக்குள் நுழைந்தார்.

மற்றொரு 3வது சுற்றில் இந்தியாவின் வெண்ணாலா 21-12, 22-20 என மலேசியாவின் எங் லி கியூவை வீழ்த்தினார்.

பெண்கள் இரட்டையர் பிரிவு 2வது சுற்றில் இந்தியாவின் வெண்ணாலா, ரெஷிகா ஜோடி 21-7, 21-16 என ஹாங்காங்கின் அயு-யெயுங், யு ஒய் கே ஜோடியை வீழ்த்தியது. மற்றொரு போட்டியில் இந்தியாவின் காயத்ரி, மான்சா ரவாத் ஜோடி 13-21, 18-21 என ஜப்பானின் அன்ரி யமனகா, சோனா யோனேமோடோ ஜோடியிடம் தோல்வியடைந்தது.

கலப்பு இரட்டையர் 2வது சுற்றில் இந்தியாவின் விஷ்ண கேதர், கீர்த்தி ஜோடி 18-21, 19-21 என இந்தோனேஷியாவின் இக்சான் லின்டாங், ரிங்ஜனி ஜோடியிடம் வீழ்ந்தது.