ஜிம்பாப்வே சென்ற ஆப்கானிஸ்தான் அணி, ஒரே ஒரு டெஸ்டில் விளையாடியது. ஹராரேயில் நடந்த இப்போட்டியின் முதல் இன்னிங்சில் ஆப்கானிஸ்தான் 127, ஜிம்பாப்வே 359 ரன் எடுத்தன. இரண்டாம் நாள் முடிவில் ஆப்கானிஸ்தான் அணி 2வது இன்னிங்சில் 34/1 ரன் எடுத்திருந்தது.

மூன்றாம் நாள் ஆட்டத்தில் ஜிம்பாப்வே பவுலர்கள் ஆதிக்கம் செலுத்தினர். டனகா சிவாங்கா பந்தில் ரஹ்மானுல்லா குர்பாஸ் (9), அப்சர் ஜஜாய் (18) அவுட்டாகினர். ரிச்சர்டு 'வேகத்தில்' கேப்டன் ஹஷ்மதுல்லா ஷாஹிதி (7), இஸ்மத் அலாம் (16), ஷராபுதின் அஷ்ரப் (9) வெளியேறினர். பஹிர் ஷா (32) ஆறுதல் தந்தார். முசரபானி பந்தில் கலில் குர்பாஸ் (6), ஜியாவுர் ரஹ்மான் (0) போல்டாகினர்.

ஆப்கானிஸ்தான் அணி 2வது இன்னிங்சில் 159 ரன்னுக்கு சுருண்டு, இன்னிங்ஸ் தோல்வியடைந்தது. யாமின் அஹமத்சாய் (13) அவுட்டாகாமல் இருந்தார். ஜிம்பாப்வே சார்பில் ரிச்சர்டு 5, முசரபானி 3, சிவாங்கா 2 விக்கெட் சாய்த்தனர். ஆட்ட நாயகன் விருதை ஜிம்பாப்வேயின் பென் கர்ரான் (121 ரன்) வென்றார்.