பஹ்ரைனின் மனாமா நகரில் ஆசிய யூத் விளையாட்டு நடக்கிறது. 40 நாடுகளின் 8000க்கும் மேற்பட்ட நட்சத்திரங்கள் பங்கேற்கின்றனர். பெண்களுக்கான 400 மீ., ஓட்டம் நடந்தது. இந்தியா சார்பில் எட்வினா ஜேசன், தான்னு பைனலில் பங்கேற்றனர். தமிழகத்தின் திருநெல்வேலியை சேர்ந்த பள்ளி மாணவி எட்வினா (11ம் வகுப்பு), 55.43 வினாடி நேரத்தில் வந்து வெள்ளிப்பதக்கம் வென்றார். தான்னு (58.49) கடைசி இடம் (8) பெற்றார்.

ஆண்களுக்கான உயரம் தாண்டுதலில் இந்தியாவின் ஜுபின் (2.03 மீ.,) வெண்கலப் பதக்கம் கைப்பற்றினார். மற்றொரு இந்திய வீரர் ஹிமான்சு (2.03), 4வது இடம் பிடித்தார்.

பெண்களுக்கான 'மிக்ஸ்டு மரிட்சியல் ஆர்ட்ஸ்' போட்டியில் இந்தியாவின் ஷிரியா மிலிந்த் (50 கிலோ) வெண்கலம் கைப்பற்றினார். இதுவரை இந்தியா 2 தங்கம், 6 வெள்ளி, 8 வெண்கலம் என 18 பதக்கம் வென்று, பட்டியலில் 8 வது இடத்தில் உள்ளது.