பஹ்ரைனின் மனாமா நகரில், ஆசிய யூத் விளையாட்டு 3வது சீசன் நடக்கிறது. பெண்களுக்கான 61 கிலோ பிரீஸ்டைல் பிரிவில் இந்தியா சார்பில் யாஷிதா 17, பங்கேற்றார். அரையிறுதியில் கிர்கிஸ்தானின் அகிலய்யை, 6-0 என வீழ்த்தினார். பைனலில் யாஷிதா, கஜகஸ்தானின் ஜைதரை சந்தித்தார். முதல் பீரியடில் (3 நிமிடம்), யாஷிதா 0-1 என பின் தங்கினார். இரண்டாவது பீரியடில் யாஷிதா 5-4 என முந்தினார். முடிவில் ஸ்கோர் 5-5 என ஆனது. எனினும், கடைசி புள்ளி எடுத்த அடிப்படையில் யாஷிதா வெற்றி பெற்றார். இந்தியாவுக்கு யூத் ஆசிய மல்யுத்தத்தில் முதல் தங்கம் வென்று தந்தார்.

இதுவரை இந்தியா 4 தங்கம், 10 வெள்ளி, 12 வெண்கலம், என மொத்தம் 26 பதக்கம் வென்று, பட்டியலில் 11வது இடத்தில் உள்ளது. முதலிடத்தில் சீனா (49 தங்கம், 38 வெள்ளி, 18 வெண்கலம்) நீடிக்கிறது.