ஹாங்காங்கில் ஆசிய 'ரேபிட் அண்டு பிளிட்ஸ்' செஸ் சாம்பியன்ஷிப் நடந்தது. பெண்களுக்கான 'பிளிட்ஸ்' பிரிவில் 46 பேர் பங்கேற்றனர். இந்தியா சார்பில் ஹரிகா துரோணவள்ளி, தாரியா, இஷா உள்ளிட்டோர் விளையாடினர். மொத்தம் 13 சுற்று போட்டிகள் நடந்தன. 9 வெற்றி, 3 'டிரா' (1 தோல்வி) செய்த ஹரிகா, 10.5 புள்ளிகள் பெற்று, சாம்பியன் ஆனார்.

தொடர்ந்து பெண்களுக்கான 'ரேபிட்' பிரிவில் போட்டி நடந்தது. 52 பேர் பங்கேற்றனர். இதிலும் சிறப்பாக செயல்பட்ட 11 சுற்றில் 6 வெற்றி, 5 'டிரா' செய்ய, 8.5 புள்ளிகள் பெற்று, சாம்பியன் ஆனார். ஆண்களுக்கான ஓபன் 'பிளிட்ஸ்' பிரிவில் இந்தியாவின் கவுதம் கிருஷ்ணா, 11 புள்ளிகள் பெற்று வெள்ளிப்பதக்கம் வென்றார்.