* கோலாலம்பூரில் நடந்த மலேசிய ஜூனியர் ஸ்குவாஷ் ஓபன் பைனலில் (17 வயது) இந்தியாவின் லோகேஷ் சுப்ரமணி 3-0 (11-6, 11-2, 11-8) என, மலேசியாவின் முகமது இப்வத் சுல்கிப்லியை வீழ்த்தி சாம்பியன் ஆனார்.

* அமெரிக்காவின் லாஸ் வேகாசில், உலக மல்யுத்த சாம்பியன்ஷிப் (23 வயது) நடக்கிறது. ஆண்களுக்கான 'பிரீஸ்டைல்' அரையிறுதியில் இந்தியாவின் ஜஸ்கரன் சிங் (65 கிலோ), சந்தர்மோகன் (79 கிலோ) தோல்வியடைந்தனர்.

* உ.பி., மாநிலம் ஜான்சியில் சீனியர் ஆண்களுக்கான தேசிய ஹாக்கி சாம்பியன்ஷிப் 16வது சீசன் நடக்கிறது. இதன் 'டிவிசன்-ஏ' காலிறுதியில் ஹரியானா அணி 5-1 என, சண்டிகர் அணியை வீழ்த்தியது. மற்றொரு காலிறுதியில் பஞ்சாப் அணி 5-4 என, 'பெனால்டி ஷூட் அவுட்' முறையில் மஹாராஷ்டிராவை வென்றது. மற்ற காலிறுதியில் மத்திய பிரதேசம் (5-3, எதிர்: பெங்கால்), உ.பி., (4-2, எதிர்: மணிப்பூர்) அணிகள் வென்றன.