இங்கிலாந்தின் பர்மிங்ஹாமில் பிரிட்டிஷ் ஜூனியர் ஓபன் ஸ்குவாஷ் தொடர் நடக்கிறது. பெண்களுக்கான 19 வயது, ஒற்றையர் பிரிவு அரையிறுதியில் இந்தியாவின் அனாஹத் சிங், எகிப்தின் மலிகா எல் கராக்சியை எதிர்கொண்டார்.

முதல் செட்டை அனாஹத், 11-8 என வென்றார். தொடர்ந்து அடுத்த செட்டை 11-7 என வசப்படுத்திய இவர், மூன்றாவது செட்டையும் 11-9 என கைப்பற்றினார்.

28 நிமிடம் நடந்த போட்டியின் முடிவில் அனாஹத் சிங், 3-0 என்ற நேர் செட் கணக்கில் வெற்றி பெற்றார்.

இதையடுத்து, பிரிட்டிஷ் ஓபன் தொடரின் 19 வயது பிரிவில் முதன் முறையாக பைனலுக்கு முன்னேறினார் 17 வயது வீராங்கனை அனாஹத் சிங். பைனலில் இவர், ஐரோப்பிய சாம்பியன், இத்தொடரின் 'நம்பர்-2' அந்தஸ்து பெற்ற பிரான்சின் லாரன் பல்தயானை எதிர்கொள்கிறார்.

* ஆண்களுக்கான 17 வயது பிரிவு அரையிறுதியில் இந்தியாவின் ஆர்யவீர், எகிப்தின் பிலோப்படர் சலேவை சந்தித்தார். இதில் ஆர்யவீர், 0-3 என (9-11, 5-11, 7-11) தோல்வியடைந்தார்.