இந்தியாவின் புவனேஸ்வரில் ஆசிய அணிகளுக்கான டேபிள் டென்னிஸ் சாம்பியன்ஷிப் நடக்கிறது. இந்திய ஆண்கள் அணிக்கு முதல் சுற்றில் 'பை' வழங்கப்பட்டது. நேற்று நடந்த காலிறுதியில் இந்திய அணி, வலிமையான ஹாங்காங்கை எதிர்கொண்டது. முதல் போட்டியில் இந்தியாவின் மனுஷ் ஷா, 0-3 என (5-11, 9-11, 11-13), வாங் சங் டிங்கிடம் வீழ்ந்தார்.

அடுத்த போட்டியில் இந்தியாவின் 'நம்பர்-1' வீரர் மானவ் தக்கார், சன் பால்டுவினை சந்தித்தார். முதல் இரு செட்டை 8-11, 8-11 என இழந்த மானவ், அடுத்த இரு செட்டை 12-10, 11-9 என வென்றார். கடைசி செட்டை 8-11 என இழந்தார். முடிவில் மானவ் 2-3 என வீழ்ந்தார்.

மூன்றாவது போட்டியில் இந்தியாவின் அன்குர் பட்டாச்சார்ஜீ, 2-3 (11-7, 9-11, 14-12, 6-11, 7-11) என லாம் சியுவிடம் தோல்வியடைந்தார். முடிவில் இந்திய அணி 0-3 என தோற்று வெளியேறியது. ஆசிய டேபிள் டென்னிசில் 6 ஆண்டுக்குப் பின் முதன் முறையாக வெறுங்கையுடன் திரும்பியது.