சீனாவின் பீஜிங் நகரில், மாற்றுத்திறனாளிகளுக்கான ஆசிய பாரா டேபிள் டென்னிஸ் சாம்பியன்ஷிப் நடக்கிறது. ஆண்கள் ஒற்றையர் பிரிவு ('கிளாஸ் 1') அரையிறுதியில் இந்தியாவின் ஜெகன் மதன், தென் கொரியாவின் சாங் கு ஜியோங் மோதினர். இதில் ஏமாற்றிய ஜெகன் மதன் 0-3 (6-11, 1-11, 8-11) என்ற கணக்கில் தோல்வியடைந்து வெண்கலம் வென்றார்.

மற்றொரு அரையிறுதியில் இந்தியாவின் சந்தீப் டாங்கி 0-3 (0-11, 1-11, 6-11) என, தென் கொரியாவின் ஹாக்ஜின் கிம்மிடம் தோல்வியடைந்து வெண்கலம் கைப்பற்றினார். இதன்மூலம் ஆசிய பாரா டேபிள் டென்னிஸ் வரலாற்றில், ஆண்கள் ஒற்றையர் பிரிவில் இந்தியாவுக்கு முதன்முறையாக பதக்கம் கிடைத்தது.

பவினா ஏமாற்றம்: பெண்கள் ஒற்றையர் பிரிவு ('கிளாஸ் 4-5') காலிறுதியில் இந்தியாவின் பவினா படேல், 8 முறை பாராலிம்பிக் சாம்பியனான சீனாவின் ஜாங் பியான் மோதினர். இதில் ஏமாற்றிய பவினா 1-3 (11-8, 3-11, 8-11, 9-11) என்ற கணக்கில் தோல்வியடைந்தார்.