மொராக்கோவில் ஆண்களுக்கான ஏ.டி.பி., டென்னிஸ் தொடர் நடக்கிறது. இதன் ஒற்றையர் பிரிவு முதல் சுற்றில், உலகத் தரவரிசையில் 95வது இடத்திலுள்ள இந்தியாவின் சுமித் நாகல், 99 வது இடத்திலுள்ள பிரான்சின் கோரன்டின் மவுடெட்டை சந்தித்தார். முதல் செட்டை சுமித் நாகல் 4-6 என கோட்டை விட்டார்.

இரண்டாவது செட்டில் பதிலடி கொடுத்த இவர், 6-3 என கைப்பற்றினார். தொடர்ந்து மூன்றாவது செட்டிலும் அசத்திய சுமித் நாகல் 6-2 என எளிதாக கைப்பற்றினார். இரண்டு மணி நேரம் 11 நிமிடம் நடந்த போட்டியின் முடிவில் சுமித் நாகல் 4-6, 6-3, 6-2 என்ற கணக்கில் வெற்றி பெற்றார்.