இச்சாலையில் பூமிக்கடியில் தனியார் கேபிள் இணைப்புகள் செல்கின்றன. இந்த இணைப்புகளை பராமரிக்கும் பணி, சில நாட்களாக நடைபெற்று வருகிறது.

இதற்காக, சாமியார் கேட் அருகே உள்ள சர்வீஸ் சாலையில், 5 அடி ஆழத்தில் பெரிய பள்ளம் பொக்லைன் இயந்திரம் வாயிலாக தோண்டப்பட்டு உள்ளது.

இந்த பகுதியில், பள்ளம் இருப்பதை அறிவுறுத்தும் விதமாக, எந்தவொரு எச்சரிக்கை பலகை மற்றும் பணி நடைபெறுவதற்கான அறிவிப்பு பலகை, இரவில் ஒளிரும் பட்டைகள் உள்ளிட்டவை வைக்கப்படவில்லை.

இதன் காரணமாக, மறைமலை நகர் பகுதியில் உள்ள தொழிற்சாலையில் இரவு பணி முடித்து, இந்த வழியாக செல்லும் இருசக்கர வாகன ஓட்டிகள் விபத்தில் சிக்கும் அபாயம் உள்ளது.

எனவே, இந்த பகுதியில் எச்சரிக்கை பலகை மற்றும் இரவில் ஒளிரும் பட்டைகள் வைக்க, நெடுஞ்சாலைத் துறை அதிகாரிகள் நடவடிக்கை எடுக்க வேண்டும் என, வாகன ஓட்டிகள் கோரிக்கை விடுத்துள்ளனர்.