இந்த முகாமில், இலவச வீட்டுமனை பட்டா, வாரிசு சான்றிதழ், மகளிர் உரிமைத்தொகை, முதியோர் உதவித்தொகை, குடிநீர், சாலை வசதி மற்றும் மகேந்திரா வேர்ல்டு சிட்டி வரை வரும் மாநகர பேருந்துகளை, அஞ்சூர் கிராமம் வரை நீட்டிக்க வேண்டும் உள்ளிட்ட பல்வேறு கோரிக்கைகள் அடங்கிய, 552 மனுக்கள் வரப்பெற்றன.

இந்த மனுக்கள் மீது நடவடிக்கை எடுக்க, அனைத்து துறை அலுவலர்களுக்கும் பரிந்துரை செய்யப்பட்டதாக, வருவாய்த் துறையினர் தெரிவித்தனர். இந்த முகாமில், சுகாதாரத்துறை சார்பில் மருத்துவ முகாம் நடந்தது.