இந்த சாலை சிதிலமடைந்து காணப்பட்டது. எனவே, இங்கு சிமென்ட் சாலையாக மேம்படுத்த வேண்டும் என, இப்பகுதிவாசிகள் நீண்ட நாட்களாக கோரிக்கை விடுத்து வந்தனர்.

இதையடுத்து, கடந்த ஆண்டு டிசம்பர் மாதம் மாவட்ட கவுன்சிலர் நிதியில், 16 லட்சம் ரூபாய் நிதி ஒதுக்கீடு செய்யப்பட்டது. நிதி ஒதுக்கீடு செய்து, 9 மாதங்கள் கடந்த நிலையில், புதிய சாலை அமைக்கும் பணிகள் துவங்கப்படவில்லை.

இது குறித்து, நம் நாளிதழில், நேற்று முன்தினம் செய்தி வெளியிடப்பட்டது. இதையடுத்து, புதிதாக சிமென்ட் சாலை அமைக்கும் பணிகள், நேற்று காலை துவங்கப்பட்டு வேகமாக நடந்து வருகின்றன.

இந்த பணிகளை, செங்கல்பட்டு தி.மு.க., -- எம்.எல்.ஏ., வரலட்சுமி ஆய்வு செய்து, உள்ளாட்சி பிரதிநிதிகள் மற்றும் வட்டார வளர்ச்சி அதிகாரிகளிடம் விபரங்களை கேட்டறிந்தார்.