இந்த மின் மாற்றியில் இருந்து, மேல் நிலை நீர்த்தேக்க தொட்டி, தெரு விளக்கு, வீடுகளுக்கு மின் இணைப்பு மற்றும் விவசாய மின் மோட்டார்களுக்கு, மின் வினியோகம் செய்யப்படுகிறது.

தற்போது, குறைந்த அழுத்த மின்சாரம் வருவதால், விவசாய மின் மோட்டர்கள் அடிக்கடி பழுது ஏற்படுகின்றன. தெரு விளக்குகளும் பிரகாசமாக எரியாததால், தெருக்களில் அச்சத்துடன் பொதுமக்கள் சென்று வருகின்றனர்.

இதனால், புதிய மின்மாற்றி அமைத்து, சீரான மின்சாரம் வழங்க வேண்டும் என, கலெக்டரிடம், கிராம மக்கள் மனு அளித்தனர். இம்மனு மீது நடவடிக்கை எடுக்க, மின்வாரிய அதிகாரிகளுக்கு, கலெக்டர் அருண்ராஜ் உத்தரவிட்டார்.