அகில இந்திய அளவிலான மத்திய வருவாய் துறையினருக்கான விளையாட்டு போட்டிகள், பெங்களூரில் கடந்த இரண்டு நாட்கள் நடத்தன. வாலிபால் போட்டியில், மத்திய, தெற்கு, வடக்கு மற்றும் மேற்கு மண்டலங்களில் வெற்றி பெற்ற தலா ஒரு அணி பங்கேற்றன.

அனைத்து, 'நாக் - அவுட்' போட்டிகள் முடிவில், தென் மண்டல சென்னை வருமானவரி அணி மற்றும் வடக்கு மண்டல டில்லி ஜி.எஸ்.டி., கஸ்டம்ஸ் அணிகள் தகுதி பெற்றன.

விறுவிறுப்பான ஆட்டத்தில், முதல் செட்டை 29 - 27 என்ற கணக்கில், டில்லி ஜி.எஸ்.டி., கஸ்டம்ஸ் அணி வெற்றி பெற்றது. அதைத்தொடர்ந்து, துடிப்பான ஆட்டத்தை வெளிப்படுத்திய சென்னை வருமான வரி அணி, அடுத்தடுத்த செட்களில், 25 - 22, 25 - 17, 30 - 28 என்ற கணக்கில் வெற்றி பெற்று முதலிடத்தை பிடித்து, சாம்பியன் கோப்பையை வென்றது.

போட்டியில் வெற்றி பெற்றவர்களுக்கு, வருமான வரித்துறையின் முதன்மை கமிஷனர் சுதாகரன் ராவ் பரிசுகளை வழங்கினார்.