கடந்த மே மாதம், இந்நிறுவனத்தின் பெயரில் இருந்து பொது அதிகாரம் பெற்றதாக போலி ஆவணம் தயாரிக்கப்பட்டு, 5.23 ஏக்கர் நிலம், ஐந்து பத்திரங்களாக வேறு பெயர்களில் பதிவு செய்யப்பட்டுள்ளது. இது குறித்து சென்சுரி லெதர்ஸ் நிறுவனம், திருப்போரூர் சார் - பதிவாளருக்கு புகார் அளித்தது.

இந்த மோசடி குறித்து, பதிவுத்துறை விசாரணை நடத்தியது. இதில், திருப்போரூர் சார் - பதிவாளர் கணேசன், தலைமை எழுத்தர் சக்திபிரகாஷ், ஜூனியர் உதவியாளர் சதீஷ்குமார் ஆகியோர், பல கோடி ரூபாய் மதிப்புள்ள தனியார் நிலத்தை, போலியாக பத்திரப்பதிவு செய்ய உடந்தையாக இருந்தது உறுதியானது.

பதிவுத்துறை ஐ.ஜி., ஆலிவர் பொன்ராஜ், திருப்போரூர் சார் - பதிவாளர் கணேசன் உட்பட மூன்று பேரையும் நேற்று சஸ்பெண்ட் செய்து உத்தரவிட்டார்.