காலை 9:00 மணி முதல் மதியம் 12:30 மணி வரையும், மாலை 4:00 முதல் இரவு 7:00 மணி வரையும், இந்த நுாலகம் இயங்கி வருகிறது. கடந்த 2012ம் ஆண்டு, திருப்போரூர் தாலுகாவாக மாற்றப்பட்டு, தற்போது 12 ஆண்டுகள் ஆகிவிட்டன.

ஆனால், நுாலகம் இன்னும் கிளை நுாலகமாகவே செயல்பட்டு வருகிறது. எனினும், திருப்போரூர் கிளை நுாலகத்தை, முழு நேர நுாலகமாக தரம் உயர்த்த வேண்டும் என, வாசகர்கள் எதிர்பார்க்கின்றனர்.

அவ்வாறு தரம் உயர்த்தப்பட்டால், காலை 8:00 மணி முதல், இரவு 8:00 மணி வரை நுாலகம் செயல்படும். இதனால், கூடுதலாக நுாலகர்கள் நியமிக்கப்படுவர்.

எனவே, திருப்போரூர் கிளை நுாலகம் தரம் உயர்த்த நடவடிக்கை எடுக்க வேண்டும் என, வாசகர்கள் கோரிக்கை விடுத்துள்ளனர்.