லாரி மோதி ஒருவர் உயிரிழப்பு

ஸ்ரீபெரும்புதுார்: காஞ்சிபுரம் மாவட்டம், சுங்குவார்சத்திரம் அருகே, சந்தவேலுார் கிராமத்தைச் சேர்ந்தவர் ஆப்பிள், 40. குறவர் இனத்தைச் சேர்ந்த இவர், நேற்று முன்தினம் இரவு, சூப்பர் எக்ஸ்.எல்., மொபட்டில், மனைவி சங்கீதா மற்றும் மகன் ஆதியுடன், சென்று கொண்டிருந்தார்.

சுங்குவார்சத்திரம் மேம்பாலம் அருகே, சர்வீஸ் சாலையில் இருந்து, வாலாஜாபாத் செல்ல திரும்பிய 'ஐச்சர்' லாரி, கட்டுப்பாட்டை இழந்து, மொபட் மீது மோதியதில், ஆப்பிள் இறந்தார். மனைவி, மகனுக்கு லேசான காயம் ஏற்பட்டது.