செங்கல்பட்டு மாவட்டத்தில் தாம்பரம் - திருப்போரூர் இடையே பெருங்களத்துார், வண்டலுாரில் உயிரியல் பூங்கா, கொளப்பாக்கத்தில் போலீஸ் பயிற்சி மையம், மேலக்கோட்டையூரில் அரசு விளையாட்டு பல்கலை, தனியார் பல்கலை, கேளம்பாக்கத்தில் மருத்துவமனை, மருத்துவக் கல்லுாரி உள்ளிட்டவை அமைந்துள்ளன.

மேலும், அனைத்து பகுதிகளிலும் தொழில் நிறுவனங்கள், தனியார் பள்ளி, கல்லுாரிகள், கோவில்கள் உள்ளன.

மாணவ -- மாணவியர், வேலைக்குச் செல்வோர் மற்றும் அந்தந்த பகுதிகளில் வசிப்போர், திருப்போரூர்- தாம்பரம் தடத்தில் தினமும் பேருந்துகளில் பயணிக்கின்றனர்.

சொந்த வாகனங்கள் வைத்திருப்போரில் கணிசமானோர் கூட, அவற்றை தவிர்த்து, பேருந்துகளில் பயணிக்கின்றனர்.

ஆனால், முக்கியமான இத்தடத்தில் 'ஏசி' பேருந்து சேவை இல்லாததால், பயணியர் மிகவும் சிரமப்படுகின்றனர்.

குறிப்பாக தற்போது கோடைக்காலம் என்பதால், கடும் வெப்பத்தை சமாளிக்க முடியாமல், பயணியர் தவிக்கின்றனர்.

எனவே, திருப்போரூர்- - தாம்பரம் இடையே, 'ஏசி' பேருந்து இயக்க நடவடிக்கை எடுக்க வேண்டும் என, பயணியர் கோரிக்கை விடுத்துள்ளனர்.