செங்கல்பட்டு மாவட்டம், திருப்போரூர் பேருந்து நிலையம் அருகே ம.தி.மு.க., சார்பில், மது ஒழிப்பு போராளியும், ம.தி.மு.க., தலைவர் வைகோவின் தாயாருமான மாரியம்மாளின் 10ம் ஆண்டு நினைவு தினம் அனுசரிப்பு, நடந்தது.

இதில் , செங்கல்பட்டு கிழக்கு மாவட்ட செயலர் லோகநாதன் தலைமையில், மாரியம்மாளின் திருவுருவப் படத்திற்கு மலர் மாலை அணிவித்து, மலர் துாவி அஞ்சலி செலுத்தப்பட்டது.

பின்னர் ஏழை, எளிய மக்கள் 100க்கும் மேற்பட்டோருக்கு அன்னதானம் வழங்கப்பட்டது.

நிகழ்ச்சியில், ம.தி.மு.க., நிர்வாகிகள் ஏராளமானோர் பங்கேற்றனர்.