இதில் யோகா, கராத்தே, கால்பந்து, கைப்பந்து, கபடி, தடகளம், ஹாக்கி மற்றும் சிலம்பம் உள்ளிட்ட போட்டிகள் நடத்தப்பட்டன.

சிலம்பம் போட்டியில், தமிழகம் சார்பில் எண்ணுார், கே.கே.ஆர்., வடசென்னை தமிழர்களின் வீர சிலம்பம் கலைக்கூடம் மாணவர்கள், 12 பேர் பங்கேற்றனர்.

ஒற்றைக் கம்பு, இரட்டைக் கம்பு, தொடுமுறை போட்டிகளில், 10 வயதிற்கு உட்பட்டோர் பிரிவில் நான்கு தங்கம், 14 வயதிற்கு உட்பட்டோர் பிரிவில் ஆறு தங்கம், 17 வயதிற்கு உட்பட்டோர் பிரிவில் இரண்டு தங்கம் என, 12 தங்கப் பதக்கம் வென்றனர்.

மேலும் சில பிரிவுகளில், நான்கு வெள்ளி பதக்கங்கள் வென்று, சிலம்பத்தில் ஒட்டுமொத்த சாம்பியன் பட்டத்தை வென்று அசத்தினர்.

பதக்கங்களுடன் சாம்பியன் பட்டம் வென்று திரும்பிய எண்ணுார் மாணவர்களுக்கு, நேற்று காலை எண்ணுார் ரயில் நிலையத்தில், பயிற்சிப் பள்ளி ஆசான் கதிரவன், உறவினர்கள், பெற்றோர் உற்சாக வரவேற்பு அளித்தனர்.