தெற்கு ரயில்வேயின் புதிய கால அட்டவணை, இன்று முதல் அமலாகிறது. இதையடுத்து, சென்னை ரயில்வே கோட்டத்தில் புறநகர் மின்சார ரயில்களின் நேரம் மாற்றப்படுகிறது.

அதன்படி, சென்னை சென்ட்ரல் - - திருத்தணி மார்க்கம், சென்னை கடற்கரை - - செங்கல்பட்டு மார்க்கம் உள்ளிட்ட மார்க்கங்களில், குறிப்பிட்ட சில ரயில்களின் நேரம் மாற்றம், ரயில் எண்கள் மாற்றம் செய்யப்பட உள்ளன. இந்த மாற்றம் நாளை முதல் அமலுக்கு வருகிறது. வார நாட்களில் மட்டுமே, இந்த நேர மாற்றம் இருக்கும்.

சென்னை சென்ட்ரல் -- திருத்தணி, சென்னை கடற்கரை - - ஆவடி, சென்ட்ரல் -- அரக்கோணம், சென்ட்ரல் -- பட்டாபிராம், திருத்தணி - சென்ட்ரல், கடற்கரை - செங்கல்பட்டு, ஆவடி - சூலுார்பேட்டை வழித்தடத்தில், 24 ரயில்களின் நேரத்தில், 5 முதல் 10 நிமிடங்கள் வரை மாற்றம் செய்யப்பட்டுள்ளது என, சென்னை ரயில் கோட்டம் நேற்று தெரிவித்துள்ளது.