இம்மனுவை பரிந்துரை செய்ய, விரிவாக்க அலுவலர் மல்லிகா, 69, என்பவர், 500 ரூபாய் லஞ்சம் கேட்டார். லஞ்சம் கொடுக்க விரும்பாத ஜெயமூர்த்தி, காஞ்சிபுரம் லஞ்ச ஒழிப்பு போலீசில் புகார் செய்தார்.

போலீசார் வழக்குப்பதிவு செய்து, ரசாயனம் தடவிய 500 ரூபாயை அவரிடம் கொடுத்து அனுப்பினர். அப்பணத்தை மல்லிகாவிடம் கொடுத்த போது, மறந்திருந்த போலீசார், மல்லிகாவை கைது செய்து சிறையில் அடைத்தனர். அதன்பின், காஞ்சிபுரம் லஞ்ச ஒழிப்பு போலீசார், வழக்கை செங்கல்பட்டு லஞ்ச ஒழிப்பு போலீசாருக்கு மாற்றம் செய்தனர்.

இவ்வழக்கு விசாரணை, செங்கல்பட்டு தலைமை குற்றவியல் நீதிமன்றத்தில், நீதிபதி ஜெயஸ்ரீ முன்னிலையில் நடந்து வந்தது. வழக்கு விசாரணை முடிந்து குற்றம் நிருபிக்கப்பட்டதால், மல்லிகாவுக்கு ஓராண்டு சிறை தண்டனையும், 20,000 ரூபாய் அபராதமும் விதித்து, நீதிபதி நேற்று தீர்ப்பளித்தார்.