பேருந்து நிறுத்தத்தில் இருந்த பழைய நிழற்குடை சேதமடைந்ததால், கடந்த ஆண்டு பிப்., 21ம் தேதி, 25 லட்சம் ரூபாய் மதிப்பீட்டில், புதிய பேருந்து நிறுத்த நிழற்குடை கட்ட அடிக்கல் நாட்டப்பட்டது.

கடந்த 10 மாதங்களாக அடித்தளம் மட்டும் அமைக்கப்பட்டு, பணிகள் ஆமை வேகத்தில் நடந்தன. அதனால், பேருந்திற்காக காத்திருக்கும் பொதுமக்கள் கடும் அவதிப்படுகின்றனர்.

இது குறித்து, நம் நாளிதழில், கடந்த 28ம் தேதி படத்துடன் செய்தி வெளியிடப்பட்டது. அதன் விளைவாக, கட்டுமானப் பணிகள் துரிதப்படுத்தப்பட்டு, முழுவீச்சில் நடந்து வருகின்றன.

சில நாட்களில் கட்டுமானப் பணிகள் முழுதும் முடிந்து, பயணியர் நிழற்குடை மக்கள் பயன்பாட்டிற்கு கொண்டு வரப்படும் என எதிர்பார்க்கப்படுகிறது.