இதில், 30 அடி அகலம் உடைய இச்சாலையின் இருபுறமும், பல்வேறு வர்த்தக கடைகள் வரத்தால், பஜார் வீதியாக மாறியது; அதனுடன் சாலையும் ஆக்கிரமிக்கப்பட்டது.

தற்போது, எதிரெதிரே வாகனத்தில் வந்து செல்வதே சிரமமாக உள்ளது. அந்த அளவிற்கு சாலை சுருங்கிவிட்டது.

அச்சாலையில் உள்ள கடைகளுக்கு சரக்கு இறக்க வரும் வாகனங்கள், பொருட்கள் வாங்க வரும் வாகனங்கள் என, சாலையை ஆக்கிரமித்துக் கொள்வதால், அடிக்கடி போக்குவரத்து நெரிசலும் ஏற்பட்டு வருகிறது.

இந்நிலையில், கருணீகர்சாலையில் பாதாள சாக்கடையின் பிரதான குழாய், கடந்த மாதம் பழுதடைந்தது.

குடிநீர் வாரியத்தினர் சரி செய்த நிலையில், தோண்டிய பள்ளத்தை சரியாக மூடாததால் மண் மேடாகி, குண்டும் குழியுமாக காட்சியளிக்கிறது. இது, போக்குவரத்து பாதிப்பை ஏற்படுத்தி வருகிறது.

போக்குவரத்து நிறைந்த இச்சாலையை குடிநீர் வாரியமும், மாநகராட்சியும் இணைந்து முழுமையாக சீரமைக்க வேண்டும் என்ற கோரிக்கை எழுந்துள்ளது.