அதன்படி, தொடர்ந்து இரண்டு முறை நிர்வாகிகளாக பொறுப்பு வகித்தவர்கள், மூன்றாவது முறையாக போட்டியிட முடியாது.

இதை எதிர்த்து, உயர் நீதிமன்றத்தில், எழும்பூர் நீதிமன்ற வழக்கறிஞர்கள் சங்க தலைவராக இரு முறை பதவி வகித்த, எஸ்.சந்தன் பாபு மனு தாக்கல் செய்தார். மனு, நீதிபதிகள் எஸ்.எம்.சுப்ரமணியம், சி.குமரப்பன் அடங்கிய அமர்வில், விசாரணைக்கு வந்தது.

பதவிக் காலம் முடிந்த பின், நிர்வாகிகள் பதவியில் தொடர்வதை அனுமதிக்க முடியாது. எனவே, எழும்பூர் நீதிமன்ற வழக்கறிஞர்கள் சங்க நிர்வாகிகள் தேர்தலை நடத்த, தேர்தல் ஆணையரை, பார் கவுன்சில் நியமிக்க வேண்டும். தேர்தல் அட்டவணையை, பார் கவுன்சில் வெளியிட வேண்டும். ஆகஸ்ட் 30க்குள் தேர்தல் நடவடிக்கையை முடிக்க வேண்டும் என, நீதிமன்றம் உத்தரவிட்டு உள்ளது.